Bahay ni Pokwang sa Antipolo ginagamit ng mga scammer 

I-FLEX
ni Jun Nardo

NAPUNDI na ang komedyanang si Pokwang na bahay naman sa Antipolo ang ginagamit para pagkakakitaan ng mga scammer.

Dumulog na sa may kapangyarihan si Pokie upang matigil ang scammers na ang bahay niya ang venue ng staycation na iniaalok sa tao.

Eh, may kumagat naman at nagbigay ng pera kaya pumasyal ito sa bahay ni Pokie para sabihin na may reservation sila sa bahay niya.

Ayon sa reports, shocked ang komedyana sa pagdating ng mga tao claiming na ang bahay niya ang venue nila for staycation, huh! Take note na hindi lang isa ang pumunta sa haws niya claiming the same.

Para matigil na ang paggamit sa bahay niya, handang ipahuli ni Pokwang ang mga mapagsamantalang taong nanloloko at idinadamay pa nila ang nananahimik niyang bahay, huh.

Kaloka ‘yung style ng scammer, huh! At bahay pa ni Pokwang ang ginamit.

Mag-ingat sa ganitong style ng pambubudol, huh!