PUSH NA’YAN
ni Ambet Nabus
BONGGA rin ang goal ni Maymay Entrata na re-introduce ang sarili very soon.
Although mas visible nga ngayon si Maymay sa ASAP bilang isa sa mga co-host, nais daw nitong ipakilalang muli ang sarili.
Sa mahaba niyang socmed post, inamin nitong nasubukan na niyang gawin ang lahat bilang artist pero nakukulangan daw siya.
Mula sa PBB, hosting, acting, modelling, at singing, nais daw niyang may gawin pa.
Simula kasing mag-hit ang kanta niyang AMAKABOGERA , na-rediscover nga niyang may passion siya to create things na art pa rin ang sentro.
Ang feeling lang namin, baka may mga bagong ilalabas na songs si Maymay. Posible rin ang malaking concert na siya ang main bida. Baka naman natapos na niya ang noo’y sinasabi niyang “libro?”
Hmmm kakaririn na rin kaya niya gaya nina Pia Wurtzbach at Heart Evangelista ang mas maraming projects sa runway internationally?
Or baka naman may bagong show o movie rin siya or baka tama ang marami na sa collab ng GMA 7 at ABS-CBN sa PBB ay may malaki rin siyang role?
Kung alinman sa mga ‘yun, definitely ay parang re-introduction nga ang peg ng mga ‘yun para kay Maymay.
Goodluck!