PNP, COMELEC pinaalalahanan  
OPS KATOK DAPAT SAKTO AT MAY KOORDINASYON

PINAALALAHAN ni Senate Majority Floor Leader Francis “Tol” Tolentino ang Philippine National Police (PNP) at Commission on Elections (Comelec) na maging maingat at kailangan ang masusing koordinasyon sa pagpapatupad ng operasyong Oplan Katok.

Ang paalala ni Tolentino ay kanyang ginawa kasabay ng isinagawang Liga ng Barangay Congress- Eastern Samar na inilunsad sa Quezon City.

Naniniwala si Tolentino na ginagawa ng pulisya ang kanilang tungkulin ngunit dapat na magkaroon umano ng koordinasyon ang PNP sa Comelec sa pagpapatupad nito.

Kaya naman sinabi ni Tolentino na suportado niya ang inihayag ni PNP Chief Gen. Rommel Francisco Marbil na makikipagdayalogo kay Comelec Chairman George Erwin Garcia upang matalakay ang usapin.

Una nang binigyang-diin ni Gen. Marbil na legal at isang proactive initiative ang ipinatutupad na revitalized Opn Katok na may layuning matiyak ang pagiging responsable ng mga gun owner at maiwasan ang pagdami ng mga ilegal na armas. (NIÑO ACLAN)