Quezon bioflick at historical movie sisimulan na 

I-FLEX
ni Jun Nardo

KASADO na ang pagsisimula ng bioflick at historical movie na Quezon ayon sa announcement ng TBA Studios.

Tungkol ito sa buhay ni dating Pangulong Manuel L. Quezon na naging presidente ng Commonwealth mula 1935-1944.

Ilan sa magiging bahagi ng movie ay sina Benjamin Alves at Therese Malvar. 

Ipinasilip sa  Instagram ng Kapuso actress ang bahagi ng cover ng script.

Ang pelikulang Quezon ay kasunod na bahagi ng Bayaniverse after ng success na ginawa nitong movies na Heneral Luna at Goyo: Batang Heneral.

Ang director na si Jerrold Tarog ang director din at co-writer ng Quezon.

Sa March ang simula ng principal photography ng pelikula at later this year ang target release locally and internationally. Suportado ito ng National Commmission for Culture and Arts (NCCA) at Film Development Council of the Philippines (FDCP).