I-FLEX
ni Jun Nardo
MAHIGPIT ang management ng isang sikat na aktres na produkto ng talent search at nagbibida na rin sa TV at movies.
Puwede siyang tanungin except sa dating ka-lovetem at nakarelasyon na rin. Eh between the loveteam, mas angat na angat ang babae kompara sa lalaki na bihira nang makita sa TV para umarte.
Sa isang event nga, may nagbalak na tanungin sa akres ang reaction niya sa ginawang personal appearance ng dating kapareha. Pero todo pakiusap ng management niya na huwag nang idamay sa isyu ang artist nila, huh!
Dami-dami talagang bawal sa mga artista ngayon, huh! Pero ang nakaraan ng aktres noong bago, pumayag kalkalin, huh! For the sake of publicity kasi bago pa lang?