Miguel hinuhubog maging action prince

PUSH NA’YAN
ni Ambet Nabus

HINDI rin magpapatalo ang katapatang Batang Riles ng GMA 7.

Mas bata ang cast members led by Miguel Tanfelix na umaaksiyon din na pang-riles, pang-kanto at ‘yung nakikita nating bardagulan sa kalsada.

Acting-wise, hindi rin sila nagpapahuli lalo’t balita natin na mismong si direk Laurice Guillen ang natoka sa departamentong ‘yun ng series, with direk Richard Arellano (na galing sa ABS-CBN, Ang Probinsyano etc..).

Bukod kay Miguel, kasama niya sina Kokoy de Santos, Bruce Roeland, Raheel Bhyria, at Antonio Vinzon. Sila bale ang tropa ng Batang Riles na may magkakaibang kuwento pero may common goal na panatilihing maayos ang buhay-riles.

Bongga rin ang supporting cast ng series gaya nina kuyang Dick Paulate, Ronnie Ricketts, Diana Zubiri, Jay Manalo, Desiree del Valle, Eva Darren, Jeric Raval, Zephanie, Leandro Baldemor, Lara Morena, Ynez Veneracion, Janine Desiderio, Seb Pajarillo, at marami pang iba kasama na ang Miss Universe Top 5 finalist na si Beatrice Luigi Gomez.

Mukhang hinuhubog na rin ng Kapuso Network si Miguel na maging action prince and from what we are seeing, mukhang doon na nga ito papunta. Iba ang angas ni bagets, ang mga tingin na pang-aksyon at ang pagbibitaw ng mga linya na matikas, lalaking-lalaki, at ‘yung awra na nasa stage na hindi na bata, pero hindi pa rin naman binatang-binata.

Ah basta kay sarap niyang panoorin sa screen pati na ang mga kasamahan niyang kapwa niya mga sariwa.