HATAW! D'yaryo ng Bayan hatawtabloid.com
HATAW News Team
SA PAG-AKYAT ng kanyang grado mula 14.71% hanggang sa 26%, tila naging “dark horse” ang ngayo’y tumatakbo sa pagka-senador na si Luis “Chavit” Singson, ayon sa pinakahuling datos na isinagawa ng Tangere, isang online polling body.
Base sa “The 2025 Pre-Election Senatorial Preferential Survey”, 11.29% ang itinaas ng grado ni Chavit kung ikokompara sa nakaraang buwan, laban sa iba pang 66 katunggali nito sa pagka-senador.
Batay sa isa pang survey provider na Pulso Ng Bayan, 22.75% ang itinaas ng kanyang grado, na pinakamataas kompara sa lahat ng senatoriables sa parating na 2025 midterm elections.
Ayon sa “Team Chavit Singson”, bagama’t nasa 20-23 puwesto ang kanilang kandidato, lubos naman nila itong ikinagagalak at itinuturing na isang “positive development” na tanda ng lumalawak na suporta ng bayan sa kanyang pagtakbo.
Anila, lubos din nilang ipinagpapasalamat ang higit pang lumalawak na voter reach nito, lalo sa National Capital Region (NCR), northern, central at southern Luzon, at patuloy pang pag-iibayohin ang pag-abot lalong-lalo na sa mga rehiyon ng Visayas at Mindanao.
Tala ng mga political at social media analysts, malaki ang naging papel ng mga followers sa social media ni Singson na siya ay pumangatlo sa lahat ng senatorial candidates na may social media following nitong katatapos na buwan ng Nobyembre, at patuloy pang nangunguna at dumarami ngayong buwan ng Disyembre.
Bukod kay Singson, ang iba pang mga kandidato sa pagka-senador na nagkaroon ng bahagyang pagtaas sa poll rating ay sina Richard Mata (4.25%), Gringo Honasan (1.29%), Camille Villar (0.54%) at Imee Marcos (0.42%).
Ayon sa Tangere, ang survey na ito ay isinagawa noong 11-13 Disyembre, na may 2,400 respondents – ang 23% ay nagmula sa northern Luzon, 23% sa Mega Manila, 20% sa southern Luzon, 20% sa Visayas, at 23% sa Mindanao. Ito ay may 95% confidence at margin of error na +/- 1.96.
