HATAW! D'yaryo ng Bayan hatawtabloid.com
Isumbong mo
kay DRAGON LADY
ni Amor Virata
MAGBABALIK si formermayor and congressman Edwin L. Olivarez sa pagka-alkalde ng lungsod ng Parañaque, sa May 2025 local elections. Makakalaban ni Kuya Edwin ang kanyang hipag na si Ailyn Olivarez. Makababasag kaya ng boto si Ailyn kay Kuya Edwin?
Ang maganda si vice-mayoralty candidate Benjo Bernabe ay sinusuportahan si Kuya Edwin gayong nasa tiket o partido ni Kuya Edwin ay si incumbent Vice Mayor Joan Villafuerte.
Desisyon ‘yan ni Benjo Bernabe kaya bitbit niya ang name ni Kuya Edwin ‘pag may nagtatanong kung sino ang meyor niya at ikinakampanya sa kanyang pag-iikot ang pangalan ni Kuya Edwin.
Si Benjo ay anak ni three-time Mayor Jun Bernabe na ngayon ay nasa tanggapan ng DILG. Kung magkakasama ang Olivarez at Bernabe, isang magandang indikasyon ito na ang dalawang apelyido ay magkakaisa na.
E ano ngayon kung lesbian si VP Sara at dyowa niya si COS Zuleika Lopez?
NARINIG ko lang ang ‘marites’ na ito sa sikat na brodkaster at kolumnista na si Mon Tulfo, isang Davaoeño, na may relasyon umano sina VP Sara Duterte at VP Chief of Staff nitong si Zuleika Lopez at matagal na raw magkasintahan.
Ang sa akin lang, e ano ngayon? Wala naman tayong pakialam sa sexual preferences nila, dahil ang isyu rito, saan nila dinala ang pondo ng bayan na kay bilis-billis nilang lustayin? Mula noong nasa Davao sila, sa Office of the Vice President, at sa Department of Education (DepEd).
Conjugal na paglulustay ba ang diskarte nila?
Kaya sana naman, hindi masayang ang ginagawang imbestigasyon ng Quad Comm. Maging matibay sila laban sa tinaguriang ‘mad vloggers’ na pinopondohan ng malalaking sindikato ng ilegal na droga at POGO
Nakahihiya na ang kasalukuyang mga lider ng bansa, sila-sila ang nag-aaway, walang maipakitang mabuting ehemplo sa mga kabataan.
Kumbaga nandito tayo sa panahon na wala na tayong mapiling matinong lider na puwedeng ihalal.
Sabi nga ng mga human rights activists, ‘yan ang malaking kasalanan ni Ferdinand Marcos, Sr., sa bayan, sa panahon ng kanyang diktadura pinaslang ang mga potensiyal na maging mabuting lider ng bansa, kaya ang pinagpipilian natin ngayon, kung hindi ‘substance (not substantial) lifestyler’ ay hoodlum at basagulerang ‘spoiled brat’.
Tsk tsk tsk.
