Bibiyahe patungong Cebu
TAIWANESE NAT’L MAY DALANG KETAMINE, TIMBOG SA NAIA T3

ARESTADO ang isang pasaherong Taiwanese national sa Ninoy Aquino international Airport (NAIA) terminal 3 nang makuhaan ng ilegal na droga.

Sa inisyal na report ng NAIA-PDEA, natuklasan ng OTS personnel ang illegal na droga sa final security checkpoint nang kapkapan ang dayuhan habang papasok siya sa boarding gate.

Nabatid na paalis ang pasahero,kinilalang si Chen Yinjyun sakay ng Cebu Pacific flight 5J-553 patungong Cebu nang makuha ang 9.3 grams na ketamine na nakatago sa kanyang katawan.

Kasama sa mga nakuha sa dayuhan ang apat na cellphone, mga identification cards (IDs), 300 foreign currency, at P25,000 cash.

Sumasailalim pa sa imbestigasyon ang nasabing dayuhan bago dalhin sa main office ng PDEA sa Quezon City. (NIÑO ACLAN)