Ate Vi pinaghahandaan shoot ng pelikula sa Sept

I-FLEX
ni Jun Nardo

NAGING guest speaker si Vilma Santos-Recto sa event ng Foreign Service Institute ng Department of Foreign Affairs nitong nakaraang araw na weekly nitong ginagawa.

Ibinahagi ni Ate Vi ang kanyang journey bilang artista at bilang public servant.

Sa unang takbo bilang Lipa City Mayor, kinusap siya ng mga pari para tumakbo. Sinabi niyang hihingi siya ng sign at kapag ibinigay ito, magdedesisyon siyang tatakbo.

Sinabi ni Vilma kung ano ang sign na ‘yon – white daisy flowers – na bumungad sa kanyang altar kaya nagdesisyon siyang kumandidato.

Hindi na namin natapos ang speech ni Ate Vi dahil may gagawin pa kami. Hindi na namin naitanong kung muli siyang tatakbo bilang governor ng Batangas. Basta ang isang binaggit niya eh may bago siyang pelikulang gagawin sa September, huh!