Gab at Hyacinth kabado, direk Thop umalalay

I-FLEX
ni Jun Nardo

BIDANG-BIDA na ang loveteam nina Gab Lagman at Hyacinth Callado sa Wattpad ng University series ni Gwy Saludes.

Matapos ang successful na adaptation ng The Rain In Espana at Safe Skies, Archer heto ang inaabangan ng fans na third book, ang Chasing in The Wild na ipalalabas sa Viva One simula sa August 16 sa Viva One.

Kasama rin nina Gab at Hyacith ang loveteam nina Marco Gallo at Heaven Peralejo pero silang dalawa talaga ang sentro ng kuwento nila.

Kinakabahan yes, pero suportahan sa isa’t isa sina Gab at Hyacith lalo na’t ang magaling na director na si Thop Nazareno ang umalalay at bumusisi sa series na every Friday ay may bagong episode.

Tampok din sa series ang nagbabalik na si Anjo Yllana, kasama sina Angelu de Leon, Domnic Ochoa, Bea Binene at iba pang Viva stars.