HATAW! D'yaryo ng Bayan hatawtabloid.com
ni Allan Sancon
NAGWAGI bilang best actress si Julia Montes para sa pelikulang Five Breakup and a Romance sa katatapos na 7th The Eddys o Entertainment Editors’ Choice ka-tie si Charlie Dizon para pelikulang Third World Romance.
Masayang tinanggap ni Julia ang kanyang trophy hindi lang sa pagiging best actress maging sa The EDDYS Box Office Heroes trophy nila ni Alden Richards.
Sa panayam kay Julia after niyang tanggapin ang award. Sinabi niyang, “Hanggang ngayon po hindi pa rin po ako makapaniwala, sabi ko nga never naman akong umasa or nag-expect kapag may ganito. ‘Yung ma-nominate ka pa lang po or masabi lang na napanood ko ‘yung movie mo, gusto ko ‘yung ginawa mo roon, ‘yun pa lang po ay reward na.
“So, ‘yung nangyari ngayong gabi sobrang overwhelming at parang lalo akong nagkaroon ng drive na gumawa pa ng mas marami pang film at serye para mai- share kung ano ‘yung mayroon pa ako. “
Magkalaban bilang best actress sina Julia at Kathryn kaya naitanong ng ilang press ang reaksiyon niya rito.
“Masaya ako para sa kanya, everytime na nakikita ko siya na binibigyan ng parangal, at nano- nominate kami, masaya ako. Kasi ang layo na po ng narating naming dalawa at ‘yung mga pangarap namin ay natupad At ako po ang pinaka-proud sa kanya kapag may mga achievement siya.
“Sabi ko nga, kami ang magkapatid by heart, kami ang loveteam by heart. Kung maging success ang isa ganoon din po ang saya ng isa. Hindi man ‘yun nakikita ng tao sa social media pero sobrang supportive ni Kathryn sa akin.”
Posible bang magkatrabaho uli silang dalawa ni Kathryn?
“Yes, we are hoping and praying na mayroon pong project na maibigay sa amin, iba rin kasi at masarap makatrabaho ang taong alam mong mahal mo. Sana nga soon makatrabaho ko uli si Kathryn.”
