BL series na wholesome at pampakilig aarangkada

MATABIL
ni John Fontanilla

HANDA ka na bang kiligin sa BL series na hatid ng KKL Film Production and Rodel Bordadora, na My Bae-Bi Boss, written and directed by Elsa Droga  at pinagbibidahan nina  Vincent Marcelo, ang boss na si Ram at June Navaja bilang si Bae-bi Jonas.

Ayon sa direktor ng BL series, wholesome at pampakilig lang ang tema ng My Bae-Bi Boss at mula mismo sa istorya ng bawat cast ng series.

Bukod nga sa kilig, drama, at komedya may mga aral na kapupulutan at tiyak marami ang makare-relate sa story ng bawat character.

Makakasama nina June and Vincent sa series sina  scripted king & singer Dindo Caraig as Chris, Robic Villanueva as Katryn, influencer & social media star Gabo Barretto as Andrea, Wennie Brion as Paula, Kapuso comedian Mar Soriano as Ruffa, Indie actress & social media star Calli Fabia as Irene, Feriesa Maniaol as Tita Liza, Harold Yumang as Niel, at marami pang iba.

Ang serye ay mula sa panulat at direksiyon ng It’s Showtime Ms Q & A na si Elsa Droga, produced by Rodel Bordadora and KKL Production at mapapanood every Saturday, 8:00 p.m. sa Youtube Channel ng KKL Film Production.