Sparkle Canada Tour iniintrigang nag-flop

I-FLEX
ni Jun Nardo

HINDI nakaligtas ang Sparkle Canada Tour sa mga netizen na nagpapakalat na flop ito na pinagtanghalan nina Ruru Madrid at Bianca Umali; Rayver Cruz at Julie Anne San Jose; at David Licauco at Barbie Forteza, at Boobay.

Sa totoo lang, hindi na bago ang ganyang balita sa social media na nagpapakalat na hindi tinao ang shows.

Pero ang nakalulungkot, mga Pinoy pa ang nagpapakalat na hindi tinao at hindi kumita ang shows ng Sparkle. Sa Calgary leg ang unang salang nila. Sinundan ito ng show sa Toronto.

At ang latest, magkakaroon na raw ito ng repeat and this time, sa US naman ang biyahe nila, sa Anaheim, California at San Francisco.

Huwag nang kumontra dahil kapwa naman nating Pinoy ang Sparkle, huh!