HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI akalain ni Willie Revillame na kilala at pagkakaguluhan pa rin siya saan man siya mapadpad.
Nangyari ito minsang magtungo siya sa isang high-end department store.
Ayon sa isang malapit sa aktor/host na si Carina Martinez, ikinagulat ni Willie nang isang foreigner ang lumapit sa kanila para magpa-picture sa TV host/singer.
“May Amerikano ang biglang nag-approach sa kanya, sabi, ‘Mr Willie Revillame.’ Sagot naman ni Willie, ‘yes?’ ‘Can I have a picture with you?’ ‘Sure, sure,’ sabi ni Willie.
“Sinabi pa ng Amerikano na madalas siyang nanonood ng show ni Willie.
“Tapos hindi lang ‘yun. Ang dami pang naglapitan sa kanya para magpa-picture na mga namimili sa department store na iyon. Even ‘yung mga salesperson doon.
“May humabol pa ngad na isang mommy kay Willie at mayroon pang isa na hindi na namin napagbigyan kasi nakasakay na kami sa kotse,” pagbabahagi ni Mommy Karen.
Nasundan pa ang insidenteng iyon nang kumain sila sa isang high end restaurant na grupo-grupo at pami-pamilya ang nagpapa-picture at magiliw na nakikipagkuwentuhan kay Willie.
Kaya nasabi raw ni Willie na natutuwa siya na bagama’t hindi na siya aktibo at wala na siyang show sa TV ay kilala pa rin siya.
February 2022 nang iwan ni Willie ang GMA para lumipat sa AllTV. Ito’y sa kabila ng matagumpay niyang show sa Kapuso Network. Lumipat si Willie at dinala ang Wowowin sa AllTV dahil magkaibigan sila ng may-ari nito at negosyanteng si Manny Villar.
Pero February 2023 nang pansamantalang inihinto ng Advance Media Broadcasting System (AMBS) ang mga programa nila dahil mahina pa ang signal at reach ng television network nila.
