HATAW! D'yaryo ng Bayan hatawtabloid.com
ARESTADO sa Anti Ciminality covert operation ng mga tauhan ni Manila Police District(MPD) ang isang 31anyos lalaki na nagpanggap bilang MTPB na nangongolek-tong ng P50 parking fee sa mga motorista sa kahabaan ng Mendiola at Aguila sts San Miguel Maynila.
Ayon sa ulat na nakarating kay MPD Chief PCol Arnold Thomas Ibay, Ilang reklamo ang natanggap ng pulisya patungkol sa pangingikil ng parking attendant sa naturang lugar gamit pa ang tiket ng Manila Traffic Parking Bureau(MTPB) subalit mas mataas ang singil nito.
Dahil dito agad inatasan ni MPD Barbosa Police Station 14 commander PltCol Brillante Billaoac ang kanyang mga operatiba na maglabas ng covert surveillance opetation kung saan nadakip ang suspen na si Mark Jun Benedicto residente sa Carce st Quiapo Maynila.
Base kay Billaoac pinangunahan ni Mendiola PCP PCapt Rolly Magusib ang operasyon kung saan naispatan mismo na ang suspek ay nagiissue ng parking tiket sa mga motoristang pumaparada subalit ito ay sinisingil sa mas mataas na presyo. Taliwas sa dating “etneb-etneb” o sa nakatakdang presyo ng Manila City Hall na singilan sa parking.
“Team Barbosa is committed to taking necessary actions to safeguard public safety and enforce the law.” Pahayag ni Billaoac.
Ang suspek ay mahaharap sa kasong paglabag sa Art 177 of RPC Usurpation of Authority at Art 316 o other forms of swindling. (BRIAN BILASANO)
