First benefit concert ni Dindo sa Oct 28 na

MATABIL
ni John Fontanilla

HANDANG-HANDA na ang tinaguriang Soulful Balladeer at Crystal Voice of Asia na si Dindo Fernandez sa kanyang first major benefit concert sa Oktubre 28 sa Teatrino Promenade, Greenhills.

Ang benefit concert ay may titulong Dindo Fernandez Live at Teatrino with Musica Chiesa at special guest niya si Gel Pesigan. Idinirehe ito ni Joey Nombres at Musical Director si Michael Bulaong.

Ani Dindo, excited siya sa kanyang concert na kakantahin niya ang ilan sa kanyang mga awitin tulad ng Akala Ko, Makinig Ka, at I Look For You. 

“I am really excited because this is my first solo and major concert. I  was sa fortunate that my concert director and specially my music director have given me the full opportutunity to collaborate with them in terms of ideas and how to conceptualize the concert,” ani Dindo na 12-piece ensemble ang inihanda niya sa concert.

Ang konsiyerto ni Dindo ay collaboration with Jesuit Communications Foundations, Inc., at para sa End Polio Program ng Rotary International  District 3820.