Teejay Marquez hataw sa paggawa ng pelikula, commercials, at endorsements

MATABIL
ni John Fontanilla

NAGDIWANG ng kanyang kaarawan si Teejay Marquez kamakailan na ginanap sa isang bar sa Makati.

Dumalo ang ilang malalapit nitong  kaibigan sa loob at labas ng showbiz industry.

Ilan sa wish ni Teejay sa kanyang kaarawan ang pagkakaroon ng isang malusog na pangangatawan, magandang takbo ng career, at successful business.

Labis-labis ang pasasalamat nito sa Diyos sa maraming magagandang bagay na nangyayari sa kanya, sunod-sunod ang paggawa ng pelikula, commercials, at endorsement. 

Dagdag pa riyan ang kanyang bagong teleserye sa Kapuso Network at ilang proyekto sa Indonesia.