HATAW! D'yaryo ng Bayan hatawtabloid.com
MA at PA
ni Rommel Placente
MAITUTURING ni Janine Gutierrez na dream come true ang role niya bilang bida-kontrabida sa seryeng pinagbibidahan, ang Dirty Linen.
Napatunayan niya kasi na kayang-kaya niyang gumanap ng karakter na napakaraming layers ang dapat ipakita.
Sabi ni Janine, “Dati kasi may nagsasabi sa akin na hanggang diyan ka lang, hindi ka pwedeng mag-play ng ganyang role, kasi mestiza ka. Sabi nila, hanggang ‘yan lang ang magagawa mo dahil sa itsura mo.
“So, I’m very grateful na napagkatiwalaan ako ng ganoong character sa ‘Dirty Linen,’ kasi ito talaga ‘yung gusto ko, ‘yung lumalaban, hindi one sided. Hindi mo alam kung kakampihan mo siya, magagalit o maaawa ka,” aniya pa.
Maipagmamalaki ni Janine ang serye nilang Dirty Linen at ang pagiging isa sa cast nito.
“Proud ako sa ipinaglalaban ng kwento. Katapangan niya at katapangan lahat ng cast to show something that’s not just na kailangan mabait ako rito. Everybody was game to show the good and the bad sides. Lahat aligned. So, proud ako na napabilang ako rito. Proud ako sa kwento. Proud ako tuwing mayroob tayong napapaiyak. Or mayroong naiinis sa ginagawa ng mga characters natin.”
Sa tanong kung ano ang itinuturing niyang memorable o unforgetable scenes sa kanilang serye, ang sagot ni Janine, “Ang hirap po pala pumili ng isa pero ang dami talaga. Pero favorite ko rin po ‘yung pilot, ‘yung nakapasok sa mansion. Favorite ko rin ‘yung nagkita kita kaming tatlo. Parang first taping namin ‘yun eh. In the beginning, ginather kami ni tatay tapos parang doon din ‘yung unang na-establish ng character namin na ganito si Alexa (Erika Clemente) ganito si Max (Christian Bables) at ganito si Lala (Jennica Garcia-Uytingco). Mayroon lang isang line na ibinilin sa akin ni direk Onat Diaz na kailangan masabi mo ito ng maayos. ‘Yung linya ko na ‘ngayong namulat ka na sa katotohanan, kasalanan ang pumikit.’ Isa ‘yan sa favorite line ko na binitiwan. Gustong gusto ko rin ‘yung nga eksenang naghuhulihan kami ni Aidan (Zanjo Marudo).”
