Marlo kakasuhan netizen kumuwestiyon sa sexual preference

I-FLEX
ni Jun Nardo

MAANGAS ang inilabas sa kanyang Facebook ng singer-actor na si Marlo Mortel.

May hawak si Marlo ng mahabang baril at pormang handang lumaban habang sa isang video eh, nagpa-firing siya.

Nitong nakaraang araw, isang netizen ang nag-call out sa kanya na kumukuwestiyon sa sexual preference niya.

Sumigaw ng fake news kaugnay nito si Marlo dahil nang siyasatin niya ang profile eh walang mukhang nakalagay, huh! Hindi na rin daw siya nakatira sa isang condo.

Sa pahayag ng singer-actor, dumulog na siya sa may kapangyarihan at handang kasuhan ang naninira sa kanya.

Sumang-ayon sa ginawa ni Marlo ang mga kaibigan sa showbiz na nakakakilala sa pagkatao niya.