HATAW! D'yaryo ng Bayan hatawtabloid.com
TAWANG-TAWA kami sa ibinuking ni Direk Roman Perez Jr ukol kina Itan Rosales at Tiffany Grey. Ito’y may kinalaman sa maseselang eksena ng dalawa sa bagong handog ng Vivamax, ang Kamadora na ii-stream simula Agosto 11.
Ani direk Roman, alumpihit kapwa sina Itan at Tiffany nang malamang may sexy sila.
“Tinanong nila ako kung kailangan ba talaga ‘yung sexy scenes? Naiintindihan ko sila kasi ‘magkapatid’ sila sa management, kay Nanay Len Carillo.
“Nahirapan talaga ako na kumbinsihin sila lalo na itong si Ethan kasi nga bukod sa pareho sila ng management, ate-ate niya itong si Tiffany,” kuwento ni direk Roman.
Hindi naman ikinaila na talagang hiyang-hiya si Itan sa ginawa niya sa pelikula.
“Hiyang-hiya po talaga ako sa ginawa ko. Naiilang talaga akong makipag-sex kasi ate-ate ko siya,” nangingiting nahihiyang katwiran ng binata.
Ginagampanan ni Itan ang isang estudyante na anak ng kasera na tinitirhan ni Tiffany kaya naman ate-ate rin siya ng binata sa pelikula.
Sa pelikula’y pinagnanasaan ni Itan si Tiffany, andyang bosohan, pagpantasyahan hanggang tinuruan siya ng bidang aktres kung paano makipag-sex.
Kasama rin nina Tiffany at Itan sa pelikula sina Victor Relosa, Junjun Quintana, Armina Alegre, Angie Castrence at iba pa.
Ang pelikula ay ukol sa kuwento ng isang dalagang matututunang maging makasarili dahil sa kalupitan ng mundo.
Bata pa lang ay marami nang pinagdaanang hirap sa buhay si Ica (Tiffany). Sapilitang pinagawa ng mga ilegal na bagay, nagliligpit ng kalat ng iba, inqbuso ng mga lalaki. Naging palipat-lipat na rin ang tirahan ni Ica at ang pulis niyang boyfriend na si Roger (Junjun) ay nandyan para alalayan at bantayan siya. Kahit na mukhang maayos ang relasyon nila, may sikreto silang itinatago at gusto nang makawala ni Ica mula rito pero hindi pa niya magawa.
Ang Kamadora ay pelikula ng Cult Director na si Roman Perez Jr.,
Sa madilim na nakaraan at pati na sa kasalukuyan ni Ica, may pag-asa pa ba para mapunta siya sa tamang daan? O patuloy siyang mapariwa at mapunta sa maling landas? Abangan ang Kamadora, streaming exclusively sa Vivamax simula sa August 11, 2023. (Maricris Valdez)
