HATAW! D'yaryo ng Bayan hatawtabloid.com
I-FLEX
ni Jun Nardo
TARAYANG Rita Avila at Maricel Laxa ang matutunghayan sa bagong GMA show na Atty. Lilet Matias.
Ito ang bagong series ni Rita na huling napanood sa katatapos na Hearts On Ice na si Amy Austria naman ang nakabangga.
Pero hindi lawyer si Rita sa series. Isa siyang public servant at host.
“Ako ang nagpaaral sa kanya at nagsilbing inspiration niya,” sabi ni Rita sa series na ang little person na si Jo Berry ang bida.
“May iringan kami rito ni Maricel Laxa dahil sa lalaki! Ha! Ha! Ha! “ text sa amin ni Rita.
Palibhasa magaling na artista at professional sa trabaho kaya mabenta pa rin si Rita Avila!
