Anne tinawanan mga nang-okray sa kanyang lumpia gown  

MA at PA
ni Rommel Placente

INOKRAY ng netizens ang suot na gown ni Anne Curtis sa ginanap na GMA Gala 2023. Nagmukha raw lumpiang shanghai ang aktres dahil mukha raw pambalot  ng lumpia ang gown nito.

Tweet ng isang netizen, “Hindi ko talaga matanggap ‘yung suot ni Ms. Anne Curtis sa #GMAGala2023. Mukhang shanghai na hindi pa napiprito. Here’s the comparison to prove my point. Pero ang ganda mo pa rin po, Ms. Anne. Loveyouuu!” 

Sa kanyang Instagram Story, nag-post naman ang kaibigan ni Anne na si Vice Ganda, na kasama niyang dumalo sa GMA Gala 2023 ng isang video na makikitang nagpalit na sila ng damit pagkatapos ng event.

Mapapanood sa video na nasa harapan sila ng isang salamin habang ibini-video ang kanilang mga sarili. Sey ni Vice kay Anne, parang mas maganda raw siya kapag malayo at malabo ang kuha.

Hirit naman ni Anne, “Here, have some lumpia,” na ang tinutukoy nga ay ang bitbit niyang gown na nakatupi na. Sinundan naman ito ng malakas na tawa ng magkaibigan.

Aware si Anne na may mga pumuna sa kanyang gown. Pero hindi siya nagpaapekto at ayun nga at tinawanan niya lang ito.