HATAW! D'yaryo ng Bayan hatawtabloid.com
KAHANGA-HANGA ang pagka-propesyonal ni Sean de Guzman na bagamat hindi maganda ang pakiramdam, humataw at hindi niya binigo ang mga nagtungo sa Viva Cafe noong Linggo ng gabi para mapanood ang kanyang pagpe-perform.
Si Sean ay kasama sa grupong VMX V na binubuo nina Marco Gomez, Mon Mendoza, Calvin Reyes, at Itan Rosales, na bago matapos ang ilang performances ng grupo ay sumali na ang nagwaging New Movie Actor of the Year sa katatapos na 38th PMPC Star Awards for Movies.
Hataw kung hataw sina Sean, Marco, Itan, Mon, at Calvin kaya naman napuno ng tilian ang cafe noong gabing iyon. Nakadagdag pa ang pagkuha nila ng mga audience na nakipag-participate sa kanilang palaro na ang nagwagi ay ang veteran writer na si Tita Mercy Lejarde.
Hindi lang talaga sa pagpapaseksi hahangaan sina Sean, Marco, Mon, at Itan dahil talagang may talent sila sa pagkanta at pagsayaw kaya naman masisiyahan ang sinumang manonood sa kanilang performance sa Viva Cafe. Panalo talaga ang male sing and dance boy group na ito ng 3:16 Talent Management ni Len Carillo.
At kung may boys na nagpapatili sa mga beki at ladies, hindi rin papatalo ang VMX Bellas na pinangungunahan ni Quinn Carillo na nagwagi naman bilang New Movie Actress of the Year sa 38th PMPC Star Awards for Movieskamakailan. Kasama niya rito ang mga nagseseksihan at naggagandahang sina Denise Esteban, Angelica Cervantes, Hershie de Leon, at Rayah Minoza.
Ilang beses ko nang napanood ang VMX Bellas at last Sunday, lalo silang gumaling sa kanilang performances. At tulad ng VMX V aliw ang mga sayaw at kantang ibinahagi nila na tiyak ikabubuhay ng mga dugo ng mga lalaking manonood. (MValdez)
