HATAW! D'yaryo ng Bayan hatawtabloid.com
Arestado ng Bulacan police ang tatlong tulak ng iligal na droga, tatlong sugarol at isang pugante sa magkakahiwalay na operasyon sa lalawigan kamakalawa.
Batay sa ulat na ipinadala kay Police Colonel Relly B. Arnedo, provincial director ng Bulacan, ang tatlong tulak ng droga ay inaresto sa buy-bust operations na ikinasa ng Drug Enforcement Units ng Guiguinto, Angat at San Jose del Monte C/MPS.
Kinilala ang mga ito na sina Leopoldo Flores, Christonny Co, kapuwa nasa PNP-PDEA watchlist; at Archie Cruz.
Nakumpiska sa mga suspek ang 15 pakete ng shabu, drug paraphernalia, at marked money na ginamit sa operasyon.
Samantalang ang tracker team ng Santa Maria MPS ay arestado si Andrew Pasilan y Villaflores sa bisa ng warrant of arrest para sa kasong Theft at ang mga operatiba ng San Jose del Monte CPS ay naaresto sina Crisencio Oblino, Ferdie Gaviola, at Rommel Catalan sa paglabag sa PD 1602 o illegal gambling.(Micka Bautista)
