Maine giliw na giliw sa manggang hilaw

I-FLEX
ni Jun Nardo

NAGBITAW agad ng linyang, “Uy, hindi ako naglilihi!” si Maine Mendoza nang hawakan ang isang hilaw na mangga mula sa isang kaing na pasalubong mula sa isang contestant sa Sayaw Barangay ng Eat Bulaga last Saturday na nagmula sa isang probinsiya sa Norte.

Lubos kasi ang pagkagiliw ni Meng sa hilaw na mangga kaya nakapagbitiw siya ng pahayag na ganoon.

Engaged na naman bilang fiancée ni Congresman Arjo Atayde si Meng. Sadya lang mahiligin siya sa manggang hilaw lalo na kapag may sawsawan itong bagoong.

Samantala, namaalam na rin si Meng sa viewers ng sitcom nila ni Vic Sotto na Daddy’s Gurl matapos ang apat na taon sa ere.