Baby Peanut bininyagan na

SHOWBIZ KONEK
ni Maricris Valdez Nicasio

IBINAHAGI nina Luis Manzano at Jessy Mendiola ang isinagawang pagpapabinyag nila sa kanilang panganay na anak na si Baby Peanut o Isabella Rose Tawile Manzano sa pamamagitan ng kanilang Instagram.

Kasamang ibinahagi ng mag-asawang Luis at Jessy sa kanilang Instagram Stories ang ilang litrato ng kanilang pamilya at mga bisita na kuha sa naganap na binyagan.

Naganap ang binyag ni Baby Peanut noong April 23.

Nagbahagi rin ng ilang photos at video sa kanyang social media account ang isa sa ninang ni Baby Peanut, si Alex Gonzaga.

Tinawag nitong kumpare at kumare sina Luis at Jessy na nasa caption na inilagay niya sa kanyang IG Story. 

Proud ding nag-post ng mga picture si Ninang Nikki Gil kasama ang kandila na ginamit sa binyag na may nakasulat na “Ninang Nikki.”

Nag-share rin ng mga picture sa kanyang Instagram page ang celebrity coach na si Kat Garcia.

Wala naman pang inilalabas na official post sina Jessy at Luis ukol sa binyag ng kanilang anak.