HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAKATUTUWANG tuloy-tuloy na ang paggaling ni Kris Aquino dahil ilang pictures na ang nakita namin bago ang pagpo-post ni Batangas Vice Governor Mark Leviste nitong Mahal Na Araw.
Ilang pictures kasi ang naibahagi na sa amin ng isang malapit kay Kris at nakatutuwang nagkakalaman na si Tetay simula nang matukoy ng mag-amang Indian doctors ang gamot na makagagaling sa sakit sa nanay nina Joshua atBimby.
At nito ngang Easter Sunday, nag-celebrate ang Queen of All Media kasama ang anak na si Bimby at si VG Mark. Nakita sila sa Newport Beach sa California na nagsa-shopping sa ilang store roon.
Sa Instagram Stories naman ni VG Mark, ipinost niya ang mga litrato nila ni Kris habang nagsa-shopping sa Fashion Island kasama si Bimby, at ang kaibigan ng aktres na si Michael Leyva.
Sa isa pang picture, ipinakita rin ng vice-governor ang regalo niyang mamahaling alahas para kay Kris na nasa loob daw ng hawak nitong red paper bag.
Kadikit naman nito ang isa pang picture ng award-winning TV host habang nakahiga at nakatingin sa kanyang cellphone. Makikita sa bandang ulunan niya ang paper bag na naglalaman ng gift sa kanya ni Mark.
May nagbahagi rin ng olang pictures ni Kris tulad ng official fan account niya sa Twitter, ang Kris Aquino World, na nag-e-enjoy ang tv host sa pagsa-shopping.
Bago ito, nagbigay din si Bimby ng update tungkol sa kalagayan ng kanyang mama. Anito, maganda ang resulta ng gamutan ni Kris, lalo na ang ginagawang treatment ng dalawa niyang Indian doctor.
“Okay naman. Stable, that’s the word for it. Stable lang but, of course, still beautiful,” masayang sabi ni Bimb.
Sinabi rin ng bunsong anak ni Kris na nag-gain na rin ng timbang ang kanyang ina na may bigat ng 103 pounds.
