HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAGKA-TRAPIK-TRAPIK ang Sen. Gil J. Puyat Ave. corner Diosdado Macapagal Boulevard, Pasay City, Manila patungong World Trade Center noong March 2 dahil sa napakaraming tao ang nagtungo roon para sa Bakery Fair 2023. Tumagal ang event hanggang March 4, 2023.
Napakatagumpay nga ng isinagawang Bakery Fair 2023 na pinangunahan ni Filipino Chinese Bakery Association, Inc. (FCBAI) President Gerik Chua at iba pang officers na dinaluhan din ng maraming baking, pastries, at food enthusiasts.
Ang Bakery Fair 2023 ay sinuportahan nina Vice-President Sara Duterte Carpio, Senator Imee Marcos, Senator Loren Legarda, Senator Mark Villar, Senator Mark Villar, Senator Koko Pimentel, former Manila Mayor Isko Moreno. Binati nila ang FCBAI sa pag-oorganisa ng Bakery Fair 2023 at sinuportahan ang revival ng Philippine bakery industry at ang Philippine economy.
May 136 exhibitors ang nakiisa sa naturang event kaya naman napuno ang 10,000 square meters o ang isang ektaryang laki ng World Trade Center. Nagkaroon din ng educational technical seminars mula sa iba’t ibang top bakery industry-related companies, bakers, chefs, at experts.
Ito ang pagbabalik ng Bakery Fair pagkaraan ang apat na taong hindi naisagawa dahil sa global pandemic.
Ang Bakery Fair ay biennial civic project ng FCBAI para mai-promote at ma-uplift ang Philippines bakery industry at masuportahan ang socio-economic development.
Isa sa exciting events sa Bakery Fair 2023 ay ang FCBAI Bakers Cup Wedding Cake Competition 2023 na nag-showcase ng exciting at napakagagandang wedding cake na tamang-tama sa temang Kasalang Pinoy.
Ito ang pinakahinintay sa event ng taon na ang nagwagi ay nakatanggap ng P80,000.
Naging kasiya-siya rin sa event ang Angel Cup 2023. Ang Angel Cup-Bread Display Competition ay nagpakita naman ng paggawa ng Bread Showpiece, Artisan Bread, Healthy Bread, at Sweet Dough with dough filling.
Ang FCBAI ay parte ng Federation of Filipino Chinese Chambers of Commerce & Industry, Inc. (FFCCCII), ang umbrella business at civic organization ng 170 Filipino Chinese chambers of commerce and trade organizations mula Aparri hanggang Tawi-Tawi. Ayon sa kasaysayan, ang mga Chinese migrants ang isa sa pinakaunang bakers sa Pilipinas noong Spanish colonial era, at siya ring nagdala ng harina sa bansa.
