SV at Rhian handa na sa 2nd level ng relasyon

MA at PA
ni Rommel Placente

ANG CEO at co-founder ng Frontrow International at congressman na si Sam Verzosa ay isa na ring TV host. 

Siya ang host ng upcoming public service program ng CNN Philippines na Dear SV. Mapapanood na ito simula sa February 18,  7:30 p.m..

Sa media conference ng Dear SV, tinanong si Sam kung paano siya napapayag na mag-host, gayung sobrang busy siya sa kanyang mga trabaho.

Sabi ni Sam, “‘Yung ginagawa naman ng programa na ‘Dear SV’ eh, hindi naman malayo sa mga ginagawa ko. Ginagawa na namin ito for the past 10 years kasama ko ‘yung Frontrow Cares, mga business partner ko, ‘Tutok To Win,’ kay kuya Wil (Willie Revillame), at mga pansarili namin na mga tulong mula sa family ko, sa papa ko, sa mama ko.

“Kaya itong ginagawa namin sa ‘Dear SV’ is pang-natural lang po. Ang kaibahan lang ay naging programa po siya. Mas malawak po ‘yung naabot. Mas maraming nakakapanood.

“At napapayag po ako rito dahil alam kong  mas maraming mai-inspire, mas maraming nabibigyan na pag-asa sa mga kababayan natin, na sa tingin nila wala nang pag-asawa, wala nang tutulong.

“Marami pa rin po ang tumutulong at handang tumulong,” aniya pa.

Samantala, idinenay ni Sam na hiwalay na sila ni Rhian Ramos. Sila pa rin hanggang ngayon. In fact, noong nakaraang Valentine’s Day ay binati niya ito.

Ikinuwento rin ni Sam na noong na-confine sa ospital ang namayapa niyang ama ay dinalaw ito ni Rhian, at sa burol nito ay nagpunta rin ang dalaga.

Sa tanong kung may plano na sila  ni Rhian na magpakasal, ang sagot niya, “Alam ninyo, in every relationship naman, maiisip mo ‘yan, but sabi ko nga, we’re in the stage na we’re getting to know each other. We’re growing as a person and bago tayo dumating diyan, dapat handa tayo, at ‘pag dumating ‘yan, sana ‘yun nga, maabot natin kung ano ‘yung best o ‘yung best version of ourselves,” aniya pa.