HATAW! D'yaryo ng Bayan hatawtabloid.com
MA at PA
ni Rommel Placente
TOTOO nga kaya ang mga lumalabas na balita na aalis na si Enrique Gil sa ABS-CBN at lilipat na sa GMA 7?
Nagdesisyon umano ang binata na lumipat na lang sa Kapuso Network dahil buwag na naman ang loveteam nila ni Liza Soberano.
Mula nang mag-lapse kasi ang kontrata ni Liza sa Star Magic at kay Ogie Diaz ay hindi na siya nag-renew.
Mas pinili ni Liza na magpa-manage na lang sa Careless Music, ang pag-aaring music label at talent management company ni James Reid para ma-penetrate niya ang Hollywood. Gusto niya kasing makilala bilang Hollywood actress.
And since may koneksiyon si James sa Hollywood, kaya rito na nga lang nagpa-manage si Liza.
Kung matutuloy na maging Kapuso na si Enrique ang sinasabing magiging unang proyekto niya sa GMA 7 ay isang serye, na ang makakapareha niya ay si Marian Rivera.
O, ‘di ba, bongga si Enrique at ipapareha siya kay Marian? Sabagay, big star naman si Enrique. Isa siya sa mga pinakasikat na artista ng ABS-CBN, kaya deserved niyang ipareha sa misis ni Dingdong Dantes, ‘di ba?
