HATAW! D'yaryo ng Bayan hatawtabloid.com
I-FLEX
ni Jun Nardo
SECURED ang Kapuso hunk na si Jak Roberto sa relasyon nila ng girlfriend na si Barbie Forteza.
Nabuo ang FiLay (Fidel-Klay, characters sa Marian Clara at Ibarra) nina Barbie at David Licauco sa Kapuso historical portal.
Eh nang matapos ang book 1 ng series, inakala ng viewers na ending na ang FiLay partnership, huh.
Pero mali ang marami dahil buhay pa si Fidel kahit binago na ang kanyang hitsura sa pagtawid ng programa sa nobelang El Filibusterismo ni Jose Rizal.
Kahit marami ang nagkakagusto kina David at Barbie, walang puwang ang pagseselos kay Jak lalo na’t may bagong series din siyang ginagawa sa Kapuso na The Missing Husband.
