Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa kaniya sa Quezon City, Martes ng madaling araw.

Sa report ng Quezon City Police District (QCPD) Holy Spirit Police Station 14, bandang 2:48 ng madaling araw (January 24), nang maganap ang engkwentro sa No. 56 Diego Silang St., Veterans Village, Brgy. Pasong Tamo, Quezon City.

Batay sa imbestigasyon nina PSSg Renato Centeno, PSSg Juderick Latao at Pat Francis Rodenas, nagsagawa ng operasyon ang mga operatiba ng PS 14, upang arestuhin ang suspek na si Dennis Dela Peña alias “Tupak”.

Pero nang matunugan umano ni Tupak ang mga paparating na mga awtoridad ay bigla na lamang itong nagpaputok ng baril dahilan upang gumanti na rin ng pamamaril ang mga pulis na nagresulta sa agarang pagkamatay ng suspek.

 Si Tupak ay sinasabing nasa listahan ng Top 7 Most Wanted Person ng PS 14 sa kasong Robbery.

Nasamsam sa suspek ang isang ‘di pa batid na kalibre ng baril na ginamit umano nito sa pamammaril sa mga pulis. (ALMAR DANGUILAN)