Dianne wish ng isa pang anak

COOL JOE!
ni Joe Barrameda

MASAYA si Dianne Medina sa estado niya ngayon bilang isa sa news reporter ng PTV4. Matagal na rin sa showbiz si Dianne kaya madalas itong maimbitahan sa mga event bilang host o  event organizer. 

Bukod diyan ay madalas din siyang makuhang endorser ng mga sari-saring produkto. Maganda kasi ang background ni Dianne at napapanood din natin sa iba’t ibang programa ng iba’t ibang network. ‘Yan ang maganda sa freelancer.

Bukod sa showbiz ay isang mabuting housewife kay Rodjun Cruz at may isa silang anak. Kahit hirap siya sa pagbubuntis ay wish pa niya ng isang anak para may kalaro ang anak.

Puring-puri niya si Julie Anne San Jose na kasalukuyang girlfriend ng bayaw na si Rayver Cruz at sana sila na ang magkatuluyan. Madalas ang bonding nila nina Rayver at Julie Anne. Nitong nakaraan Christmas at New Year sa kanila nagdiwang ang dalawa kasama ng kanilang pamilya.