Lexi sobra ang kaba sa bagong classic series

RATED R
ni Rommel Gonzales

PINAKAMALAKING break so far sa showbiz career ni Lexi Gonzales ang bagong GMA Afternoon Primeseries ang Underage.

Mula sa classic film nina Maricel Soriano, Snooky Serna, at Dina Bonnevie noong 1980, binuhay ng GMA sa isang serye ang Undeage na ang mga bida ay sina Lexi, Hailey Mendes, at Elijah Alejo.

Sa zoom interview sa cast ng Undergae, hindi itinanggi ni Lexi na may nadarama siyang kaba sa kanilang show.

“Aminado po ako na kinakabahan po talaga ako sa magiging outcome ng buong show.

“Pero nandoon naman po ang tiwala. Lahat po kami really worked hard for the show. And with that, ‘yun na lang po ang pinanghahawakan ko na it’s going to be a good show.

“Even though nandoon ang kaba, pinanghahawakan ko na lang po na we did a great show and I’m excited for everyone to see it.”

May kaba man, may tuwa rin sa parte ni Lexi dahil co-star niya sa Underage ang real-life boyfriend niya, ang Sparkle hunk actor na si Gil Cuerva.

“Nandoon naman ang tiwala ko sa kanya kaya happy ako na nakasama ko siya rito sa show. Kasi, ang laking tulong na nandiyan siya for me.

“With everyone that is new in my life, at least, there’s one person who’s already a constant,” sinabi ni Lexi.