HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“PARA siyang panaginip. Kasi hindi sanay.” Ito ang mga salitang sinabi ni Nadine Lustre nang matanong ukol sa naramdaman niya ngayong kinabog niya sa pagiging Box-office Queen ang tinaguriang Unkabogable Star na si Vice Ganda?
Kitang-kita ang kaligayahan kay Nadine lsa naganap na Thanksgiving mediacon ng Viva Entertainment na ginanap sa Greyhound Cafe sa Rockwell, sa pagiging number one ng pelikulang Deleter sa katatapos lang na Metro Manila Film Festival 2022.
Dumalo rin sa Thanksgiving ang co-stars niyang sina Louise delos Reyes at Jeffrey Hidalgo gayundin ang direktor nilang si Mikhail Red na itinanghal namang MMFF 2022 Best Director.
“Ano ba naman ‘yung tumalo? Hindi ko po alam. Kasi, kapag inisip ko po ang mga ganyan, parang unreal siya sa akin. Parang nangyayari ba ‘to?
“Para siyang panaginip. Kasi nga I guess, hindi rin sanay. Parang bago rin kasi. Tapos ang ganda rin po talaga ng mga nangyayari sa ‘Deleter’ kaya ang hirap din pong i-digest,” sagot ni Nadine na bukod sa titulong Box-Office Queen ay tinatawag na rin siya ngayong bagong “Horror Queen.”
Sinabi pa ni Nadine na hindi niya inaasahan ang tagumpay na tinamasa ng Deleter.
“Wala po talaga, hindi po namin siya in-intend na MMFF. Parang nasabi na lang po sa amin na ilalagay sa MMFF, parang last two days ng shoot namin, hindi po talaga,” sambit pa ni Nadine.
Sobra-sobra naman ang pasasalamat niya sa mga taong sumuporta, nanood ng kanilang pelikulang Deleter.
