Angel binakulaw sina Glaiza, Ruru, Kokoy, Lexi, Buboy, at Mikael 

I-FLEX
ni Jun Nardo

ITINANGHAL si Angel Guardian bilang kauna-unahang Ultimate Runner ng Running Man Philippines.

Binakulaw ni Angel ang co-runners niyang sina Glaiza de Castro, Ruru Madrid, Kokoy de Santos, Lexi Gonzales, Buboy Villar, at Mikael Daez.

Dark horse sa kanyang kapwa runners si Angel. Pero ipinamalas niya ang kanyang lakas laban sa lahat kahit wala ito sa hitsura niya, huh.

Sina Angel at Lexi ang naglaban sa bandang huli dahil pinataob nila ang kalabang si Kokoy.

Umaasam ang televiewers sa season 2 ng RMPH dahil aliw na aliw sila sa ipinakitang galing ng kasaling Kapusostars kahit nasa malamig silang South Korea.