HATAW! D'yaryo ng Bayan hatawtabloid.com
NAILIGTAS ng National Bureau of Investigation (NBI) Anti-Human Trafficking Division ang limang kababaihan, kabilang ang dalawa pang menor de edad, at inaresto ang isang lalaki na sinasabing nagbubugaw sa kanila sa Bulacan.
Kinilala ang suspek na si Mark Abungcay, ayon sa NBI ay ibinubugaw ang mga biktima gamit ang ‘online menu’ na may mga larawan nila.
Ayon kay NBI spokesperson Atty. Gisele Dumlao, kapag may natipohan ang customer ay para aniyang nagkakaroon ng ‘drive thru.’
Daraanan ng mga kostumer ang mga biktima sa isang lugar at saka inadala sa hotel.
Kasalukuyang nagsasagawa ng imbestigasyon ang mga awtoridad sa mga posible pang kasabwat ng suspek sa sex trafficking operation sa lalawigan.
Nakatakdang sampahan ng kaso para sa online sexual abuse and exploitation of children, Expanded Anti-Trafficking in Persons Act of 2022, and Child Abuse Law ang nadakip na suspek. (MICKA BAUTISTA)
