Sharon napapagod na, iiwan na ang showbiz

MATABIL
ni John Fontanilla

MARAMI ang nagulat at nalungkot  sa naging post ni Sharon Cuneta sa kanyang Instagram. Inamin kasi nito na nakakaramdam na siya ng pagod at mas gusto na lang niyang bigyan ng oras ang kanyang pamilya.

Mahigit apat na dekada na sa showbiz si Sharon kaya naman nakakaramdam na rin ng pagod.

Post ni Megastar sa kanyang IG, “I am 56 now – and I am just undeniably EXHAUSTED. Retirement is calling. Once in a while I can pop up in a movie or two, a concert, or a TV show, even a season or a series if it’s not too tiring.”

Dagdag pa nito, “But I AM tired…All I wish I could do is be with my family and take care of them. And do all those other things I always wish I could do but just couldn’t find the time for. Please pray with me. Thank you so much and I love you all.”