Mga social media/digital platform mabilis makapag-artista

I-FLEX
ni Jun Nardo

SASABAK ngayong gabi ang businesswoman-vlogger na si Small Laude.

Mapapanood si Laude sa Mano Po Legacy: The Flower Sisters ng Regal at GMA.

Sa totoo lang, dinadayo na ng mga sikat sa social media/digital platform ang mundo ng telebisyon kahit hindi na dumaan sa audition.

Ang isa pang nadiskubre sa digital platform ay si Kimpoy Feliciano na semi finalists sa Bida The Next ng Eat Bulaga. Kumanta siya last Saturday kasama ang kagrupo niyang finalists.

Parang ang dali-dali nang pumasok sa showbiz ng may maraming followers sa digital platform, huh.

Kaya ‘yung nangangarap maging artista, eh isip-isip din ng pasabog na gimik nang mapansin ng milyon.