HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ISANG pasaway at rebeldeng anak ang ginagampanan ni Miggs Cuaderno sa Mano Po Legacy: The Flower Sisters’ ng Regal Films at GMA Network.
Ang serye ay tinatampukan nina Aiko Melendez, Thea Tolentino, Angel Guardian, at Beauty Gonzales. Gumaganap dito ang dating child actor bilang Petersen, ang pasaway na anak ni Lily Chua na ginagampanan naman ni Aiko.
Pahayag ni Miggs, “Sa Mano Po Legacy, ang role ko po ay isang pasaway na anak na naghahanap ng pansin sa kanyang nanay. Tatay ko po rito si Marcus Madrigal at kapatid ko po si Will Ashley.”
Paano ang preparation niya rito?
Aniya, “Binasa ko po ang script at motivation ko po ‘yung story at niramdam ko po ang bawat eksena… kasi makikita n’yo po kapag pinanood n’yo kung bakit nagkaganoon si Petersen.”
Paano niya ito ide-describe?
“Itong Mano Po is about family po at problema sa bawat pamilya at kung paano po ito nila haharapin,” matipid na sagot ni Miggs.
Nabanggit din ng binatilyo na bagong challenge sa kanya ang TV show na ito.
Sambit niya, “Sobrang bagong challenge po ito sa akin, kasi never pa ako nakagawa ng ganitong role na bad boy at sumasagot-sagot sa nanay.
“Lagi po kasing mabait ang role ko at inaapi. Kaya dapat po nilang makita ang kakaibang Miggs Cuaderno rito.”
