Wanted person nakalawit sa Oplan Pagtugis

NAARESTO ng mga awtoridad ang isang lalaking pinaghahanap ng batas dahil sa nakabinbing kaso sa hukuman sa kanyang pinagtataguan sa lungsod ng San Jose del Monte, lalawigan ng Bulacan nitong Martes, 1 Nobyembre.

Kinilala ang suspek na si Jomar Marzan na nadakip ng mga operatiba ng CIDG Bulacan katuwang ang 1^st PMFC, Bulacan PPO at San Jose del Monte CPS sa bisa ng Alias Warrant of Arrest na inilabas ni Presiding Judge Ma. Belen Ringpis Liban ng Malolos City RTC Branch 85.

Kaugnay ito sa mga kasong Slight Physical Injuries batay sa paglabag sa RA 7610 na kinakaharap ng akusado sa kanyang pinagtaguan hanggang maaresto sa nabanggit na lungsod.

Dinala si Marzan sa CIDG Bulacan PFU Office para sa interogasyon at nararapat na disposisyon. (MICKA BAUTISTA)