Bea nagbahagi ng payo para kay Dani

RATED R
ni Rommel Gonzales

NAPAKARAMING viewers at netizens ang nakare-relate sa karakter ni Bea Alonzo sa   GMA drama series na Start-Up PH.

Ayon kay Danica “Dani” Sison, patuloy ding nagsisikap ang mga Pinoy dahil sa paghahangad ng mas maayos na buhay para sa sarili at lalo na para sa pamilya.

Sa panayam kay Bea kamakailan, nagbahagi siya ng short but sweet advice para sa karakter na kanyang ginagampanan.

Payo ng Kapuso actress kay Dani, “Just keep going, never give up!”

Bukod sa pangarap ni Dani na maging isang CEO, nais din niyang huminto na ang kanyang lola tulad ni Lola Joy (Gina Alajar) sa pagtitinda upang mas maingatan nito ang kalusugan.

Noong nabubuhay pa ang ama niya na si Chito (Neil Ryan Sese), pangarap ng kanyang ama na maging matagumpay upang mabigyan ng masaganang buhay ang kanyang pamilya.

Ngunit sa kasamaang palad, ilang taon matapos silang iwan ni Alice (Ayen Munji-Laurel) at Ina (Yasmien Kurdi), pumanaw ang ama ni Dani.

Simula noon, mas naging matibay ang loob ni Dani sa bawat hamon ng buhay.

Ang Start-Up PH ang kauna-unahang serye ni Bea bilang isang Kapuso.

Bukod sa tinaguriang This Generation’s Movie Queen, napapanood din sa programa bilang lead stars sina Asia’s Multimedia Star Alden Richards, award-winning actress na si Yasmien Kurdi, at award-winning actor na si Jeric Gonzales.

Patuloy na subaybayan ang Start-Up PH, mula Lunes hanggang Biyernes 8:50 p.m. sa GMA Telebabad, at sa GTV naman mapapanood ito tuwing Lunes hanggang Huwebes 11:30 p.m., at tuwing Biyernes naman ipinalalabas ito ng 11: 00 p.m..