Hiwalayang Sunshine at Macky ibinuking ni Mayor Francis

I-FLEX
ni Jun Nardo

NAINTRIGA ang netizens sa nakabasa sa post sa Facebook ni San Juan City Mayor Francis Zamora para sa kanyang kapartido na si Councilor Macky Mathay IV para sa kaarawan nito.

“Happy birthday Councilor Macky Mathay. Ang wish ko para sayo ay, ‘Sana bumalik muli ang sikat ng araw sa buhay mo,’’ saad ni Mayor Zamora.

Eh nitong nakaraang mga araw, kumalat ang tsismis na hiwalay na umano si Konsehal Macky sa partner niyang aktres na si Sunshine Cruz.

Tikom ang bibig nina Shine at Konsehal Mathay sa isyu sa kanila. Pero lalong lumakas ang isyu sa kanila nang mag-post sa kanyang Instagram si Sunshine nitong nakaraang mga araw  ng, “letting go.”

Naku, alam na nila Shine at Konsehal Mack ang tama at mali kaya kung hiwalay na sila at hindi na puwedeng magkasundo, eh aminin na nila, ‘no?