HATAW! D'yaryo ng Bayan hatawtabloid.com
MATABIL
ni John Fontanilla
KINORONAHA bilang Mrs Universe Philippines 2022 si Veronica Yu mula sa Quezon City, habang Mrs. Universe Philippines FDN-North Pacific Asia namansi Gines Angeles mula Nueva Ecija, at Mrs. Universe Philippines FDN-Northeast Asia naman si Lady Chatterly Sumbeling ng Pangasinan sa ginanap na coronation night sa Grand Ballroom ng Okada Manila noong October 2.
Wagi naman bilang Mrs. Universe Philippines FDN-West Pacific Asia si Jeannie Jarina ng Valenzuela City, Mrs. Universe Philippines FDN-Pacific Continental si Jessa Macaraig ng Bulacan, at Mrs. Philippines Universe FDN-Continental Asia si Michelle Solinap ng Iloilo.
Silang anim ang magiging pambato ng Pilipinas sa 2022 Mrs. Universe pageant sa South Korea sa Disyembre na lalahukan ng mahigit 100 kandidata mula sa iba’t ibang panig ng mundo. Itatanghal ito ng organizer mula Bulgaria na itinatag noong 2007.
Wagi ri bilang Mrs. Universe Philippines FDN-Luzon si Anita Gutierrez ng Pampanga, Mrs. Universe Philippines FDN-Visayas si Betchay De Dios ng Cotabato City, at Mrs. Universe Philippines FDN-Mindanao si Virginia Evangelista ng Cagayan Valley.
First runner-up naman si Margie Aquino ng Pagadian City, second runner-up si Mar Vargas ng Laguna, at third runner-up si Malou Rustia ng Mandaluyong City.
Inorganisa ang pambansang patimpalak ng actress- singer-entrepreneur na si Maria Charo Calalo, Mrs. Universe Philippines FDN national director at siya ring Mrs. Universe Philippines titleholder ng 2019/2020.
