HATAW! D'yaryo ng Bayan hatawtabloid.com
ARESTADO ang isang lalaking pinaghahanap ng batas kasama ang kanyang live-in partner na nakialam sa isinagawang operasyon ng pulisya sa bayan ng Marilao, lalawigan ng Bulacan, nitong Lunes, 3 Oktubre.
Sa ulat mula kay P/Col. Relly Arnedo, OIC ng Bulacan PPO, kinilala ang suspek na si Jeffrey Concepcion ng Brgy. Loma de Gato, sa nabanggit na bayan, inaresto sa bisa ng warrant of arrest para sa kasong paglabag sa Section 79 ng RA 10591 (Philippines Firearms Law).
Nakompiska rin sa suspek ang tatlong sachet ng hinihinalang shabu.
Habang inaaresto, nagtangkang makialam at humadlang sa paghahain ng warrant ang kanyang live-in partner na kinilalang si Lolita Nedia.
Isinama sa pagdakip si Nedia na nakompiskahan ng isa pang sachet ng hinihinalang shabu.
Dahil dito, nadagdagan ang kaso ni Concepcion kasama si Nedia na sasampahan ng mga kasong paglabag sa Sections 11 at 15 ng RA 9165 at Obstruction of Justice na isasampa sa Provincial Prosecutor’s Office sa Malolos, Bulacan. (MICKA BAUTISTA)
