Fundraising concert para sa kapatid ni Ima Castro ikinasa 

MATABIL
ni John Fontanilla

ISANG fundraising event ang binuo ng Crossroads X Movers para sa pagpapagamot ng isa sa miyembro ng Polycosmic Kukuz at nakatatandang kapatid ni Ima Castro na si Jeffrey Carmelo C De Castro na na-stroke kamakailan.

Isa ang Polycosmic Kukuz sa sumikat na all male dancers noong dekada ‘90, kasabay ng Streetboys, UMD, Manneuvres atbp..

Ang fundraising concert na may titulong For The Love 90’s Dance Concert ay magaganap sa Oct. 8 (Saturday) 5:00 p.m. sa Crossroads 77, Scout Reyes, Quezon City.

Pangungunahan ang nasabing konsiyerto ng grupong Manneouvres, Kids @ Work, X People, SOP Danzters, Katz22, Bigmen, Newsboys, Megamix, Astro, Octo Beat Culture, Power Image, Turbo Gang, BMG Dancers, Just Touch Dancers, Koolkatz, at Kukuz.

Mabibili ang ticket sa halangang P1,000 Orchestra at P500 Balcony.