HATAW! D'yaryo ng Bayan hatawtabloid.com
I-FLEX
ni Jun Nardo
TUMATANAW ng utang na loob ang Kapuso actor na si Jeric Gonzales kay Alden Richards.
Sinabi ni Jeric sa podcast ni Nelson Canlas na malaking bahagi si Alden kaya napabilang siya sa cast ng RC adaptation ng Start Up PH series ng GMA na nagsimula last Monday.
“Nawalan na ako ng pag-asa sa career ko. That time na nasangkot ako sa (video) scandal, pinili kong tumahimik. Gusto ko nang mag-back out sa showbiz!” sabi ni Jeric.
Eh noong bagong salta siya sa showbiz, insecure siya kay Alden na mabangong-mabango ang career. Kapwa taga-Laguna sina Jeric at Alden at produkto ng male pageants sa probinsiya.
“Pero naging mabait si Alden sa akin. Tinutulungan niya ako at naiiyak ako sa mga tulong niya. Kaya nga malaking utang na loob ko ang mapasama sa ‘Start Up’ dahil sa kanya,” sabi pa ni Jeric.
Si Jeric ang makakabangga ni Alden sa mabibigat na eksena nila sa Stat Up PH.
