Reunion ng EHeads isinakatuparan ni Alden

I-FLEX
ni Jun Nardo

PINASOK na rin ni Alden Richards ang pagiging concert producer.

Eh mukhang winner agad ang unang venture ni Alden sa concert scene dahil ang much-awaited concert ng bandang Eraser Heads ang sinalihan niya, huh.

Ibinalita ng Asia’s Multimedia Star sa kanyang Instagram ang bago niyang business venture, ang Myriad Corporation. Aniya,  bahagi ang kompanya niya ng isang momentous event.

Sa December 22, 2022 ang  Huling El Bimbo concert ng E-Heads sa SMDC Festival Grounds, Paranaque City.

Ang E-Heads members na present sa concert ay sina Ely Buendia, Ryms Marasigan, Buddy Zabala, at Marcus Adoro base sa lumabas na poster plug ng concert.

Abangers na lang sa paglabas ng tickets.