HATAW! D'yaryo ng Bayan hatawtabloid.com
I-FLEX
ni Jun Nardo
ANG isa pang Viva artist na nakita sa GMA channel ay si Julia Barretto.
Guest last Saturday si Julia sa Eat Bulaga na blocktimer ng Kapuso Network.
Si Julia ang judge sa Bawal Judgment ng noontime show na may kapartner namang napiling viewer na taga-probinsiya at naka-Zoom.
Mainit siyempre ang pagtanggap kay Julia ng EB Dabarkads na may selfie pa sa mga Batang Hamog na sina Maine Mendoza, Ryzza Dizon, at Miles Ocampo na humabol mula sa Sugod Barangay ng programa.
Bahagi ng promotions ni Julia ang guesting niya sa EB para sa kanyang ang Viva movie na Expensive Candy.
Eh sa end of this month, ipalalabas na ang reunion movie nina Kim Chiu at Xian Lim na Always The Movie.
Kasunod kaya si Kim na mapapanood sa Bulaga dahil ang BF na si Xian eh napanood na sa unang TV series na False Positive sa GMA? Malay natin.
